आत्ताशी मलेरियाची लस विकसित होतेय….कोविडची कधी ?

एकीकडे कोविड 19 सारख्या नव्या संसर्गजन्य आजारावर ‘लस’ तयार केल्याचे दावे केले जात असतानाच ऑक्सफर्ड युनिव्हर्सिटीच्या संशोधकांनी मलेरिया वरील विकसित लस तयार करण्याचे काम हाती घेतले आहे. मलेरियावर विकसित लस तयार करण्यासाठी संशोधकांना जवळपास तीस वर्षे काळ लागला.अजून कोविडची ‘लस’ हाती आली नाही तर विकसित लस तयार व्हायला किती वर्षांचा कालावधी लागेल..?

इंग्लंडच्या ऑक्सफर्ड विद्यापीठातील जेनर इन्स्टिट्यूटचे संशोधक जे कोविड 19 ची लस विकसित करीत आहेत. त्याच संशोधकांनी मलेरियावर विकसित लस शोधून काढली असून आता अंतिम चाचणी म्हणून आफ्रिकेतील जवळपास पाच हजार मुलांना ती लस टोचली जाणार आहे. जवळपास तीस वर्षांच्या अथक प्रयत्नांनंतर मलेरियावर विकसित लस शोधण्यात ऑक्सफर्डच्या संशोधकांना यश मिळाले आहे.

जगात दरवर्षी मलेरियामुळे जवळपास साडेचार लाख लोक मृत्युमुखी पडतात. तरीदेखील अद्यापही मलेरियाचे संपुर्ण जगातून निर्मूलन होवू शकलेले नाही. आत्ताशी मलेरियावरील विकसित लसीची अंतिम टप्प्यातील चाचणी घेण्यात येणार आहे. मग वर्षभरापूर्वी नव्याने उद्भवलेल्या कोविड 19 या संसर्गजन्य साथीचे संपूर्ण जगातून निर्मूलन केंव्हा होईल…? आत्ताशी जवळपास आठ देशातील संशोधकांनी कोविड लस शोधल्याचा दावा केला आणि त्याप्रमाणे लस उत्पादन देखील सुरू केले आहे. मात्र या लसींच्या परिणामकतेबद्दल कुणालाच खात्री देता येत नाही. म्हणजेच या लसी नंतर विकसित लसींचे संशोधन करावे लागणार आहे. त्याला किती वर्षांचा कालावधी लागेल हे देखील सांगता येणार नाही. मग तोपर्यंत मलेरिया सारखेच कोविड 19 च्या साथीला सामोरे जावे लागणार का ? हाच खरा प्रश्न आहे.

:- मुकुंद मधुकर हिंगणे.

मोबा. क्र. : 8806188375.