मराठा आरक्षण आणि उदयनराजे भोसले…!

उदयनराजे भोसले

मराठा आरक्षणाच्या मुद्द्यावरून छत्रपती शिवाजी महाराजांचे १३ वे वंशज असलेले उदयनराजे भोसले यांनी सत्ताधारी महाविकास आघाडीच्या ठाकरे सरकारवर तोफ डागली असून तुम्हाला जमत नसेल तर देवेंद्र फडणवीस यांना मुख्यमंत्री करा, आरक्षण मिळवून देण्याची जबाबदारी मी घेतो असे उघड आव्हान दिले आहे. बेधडक वक्तव्यासाठी प्रसिद्ध असलेल्या महाराजांना मराठा समाज किती गंभीरतेने घेतो यावरच आता नव्या राजकीय नाट्याची रंगत वाढणार आहे.

नाद नाय करायचा

तीनवेळा खासदारकीसाठी निवडून आलेल्या उदयनराजे महाराजांचा राजकीय प्रवास हा उतार-चढावाचा असाच आहे. त्यांच्या सातारा या मतदार संघात त्यांचा जितका प्रभाव आहे त्यापेक्षाही अधिक छत्रपती शिवाजी महाराजांचे वंशज म्हणून मराठी माणसांवर त्यांचा प्रभाव आहे. राजकीय पक्षांना सत्तेची गणितं मांडतांना अश्या प्रभावशाली व्यक्तींची गरज भासत असते. त्यामुळे अश्या प्रभावशाली व्यक्ती पक्ष संघटनांशी बांधिलकी मानणाऱ्या नसतात. महाराजांच्या बाबतीत देखील हेच सूत्र लागू आहे. महाराज देखील कोणत्याच राजकीय पक्षाची बांधिलकी मानणारे नाहीत. तसं ते आजवर उघडपणे बोलत आले आहेत. आत्तापर्यंत काँग्रेस, भाजपा, राष्ट्रवादी अन् पुन्हा भाजपा असा राजकीय प्रवास करणाऱ्या महाराजांच्या या धरसोड वृत्तीकडे दुर्लक्ष करीत त्यांच्यावर प्रेम करणाऱ्या वाढत्या जनसंख्येची भीती सर्वच राजकीय नेत्यांना असते हीच त्यांची दहशत आणि ताकद आहे.

तुम्हाला जमत नसेल तर…..

आता महाविकास आघाडीला सत्तेवर येवून वर्ष पूर्ण झाले आहे. कोरोना महामारीच्या तणावाची परिस्थिती असल्याने राजकीय वाचाळवीरांच्या ‘विदूषकी’ वक्तव्याने गेली सहा महिने मनोरंजन झाले आहे. धारेवर धरणारे मुद्दे, निदर्शने, आंदोलने नसल्याने सरकार अगदीच ‘मजेत’ चालले आहे. सर्वोच्च मराठा आरक्षणाचा स्थगिती दिल्यानंतर ‘कोरोना’च्या उद्भवलेल्या परिस्थितीमुळे थंडावलेल्या आंदोलनाला आता उदयनराजे महाराजांच्या रूपाने ‘हवा’ देण्याचा प्रयत्न केला जात आहे.

समाजाला किरकोळीत घेवू नकात….

मराठा आरक्षणाबाबत आपली भूमिका पत्रकार परिषदेत मांडतांना उदयनराजे यांनी अनेक मुद्द्यांवर आपली बेधडक मते मांडली. जातीचे राजकारण करणाऱ्यांनी राजीनामे द्यावेत, मराठा समाजाला किरकोळीत घेवू नकात, मराठा समाजाला आरक्षण का मिळाले नाही ? हे त्या-त्या वेळच्या सत्तेतील नेत्यांना जाब विचारा या अश्या मुद्द्यांसह आधी स्वतःचे बघा मग देवेंद्र फडणवीस यांच्यावर आरोप करा याबरोबरच फडणवीस यांना मुख्यमंत्री बनवा, ते आरक्षण देतील याची जबाबदारी मी घेतो असे सूचक वक्तव्य देखील महाराजांनी केले आहे. एरवी फडणवीस आणि इतर भाजपा नेत्यांवर तोंडसुख घेणारे मुख्यमंत्री आणि त्यांचे मंत्रिमंडळ आता महाराजांच्या वक्तव्याचा ‘समाचार’ घेतील का ? तेंव्हा मराठा समाज कुणाच्या पाठीशी उभा राहील हे येणारा काळच ठरवेल. मात्र आरक्षण मुद्द्याला महाराज गांभीर्याने घेणार असतील तरच…..

:- मुकुंद मधुकर हिंगणे.

मोबा.क्र. :-8806188375

प्रतिक्रिया व्यक्त करा

Please log in using one of these methods to post your comment:

WordPress.com Logo

You are commenting using your WordPress.com account. Log Out /  बदला )

Google photo

You are commenting using your Google account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

Connecting to %s

This site uses Akismet to reduce spam. Learn how your comment data is processed.